السلام عليكم ايه الاخبار اختيار عنوان الفيديو على اليوتيوب هو احد اهم العوامل اللي بتؤثر على نجاح الفيديو وتحقيق مشاهدات عاليه فالعنوان هو اول ما يرى المشاهدون اول حاجه المشاهده عينه بتيجوا عليها العنوان والصوره المصغره بعد كده هو بيقرر هل هيدخل على الفيديو يشوفه ولا يتجاهل الفيديو يشوف غيره لذلك انت لازم تكتب عنوان دقيق عنوان يعكس محتوى الفيديو عنوان جذاب عنوان بيثير اهتمام الجمهور المستهدف وفي نفس الوقت ما يكونش فيه مبالغه شفت المعادله صعبه ازاي ان شاء الله في الفيديو ده هنتكلم عن اشهر طريقتين لكتابه العنوان اي فيديو ناجح على اليوتيوب هتلاقيه مستخدم طريقه من الطريقتين دول ودي الطرق اللي بتعتمد عليها القنوات الكبيره وغالبا ما بيطلعوش عن الطريقتين دول هنشوف الموضوع ده بشكل عملي وان شاء الله تقدر تطبق الموضوع ده في محتواك ايا كان احنا دلوقتي قدامنا بعض الفيديوهات الناجحه على قناه علامه استفهام عشان نبدا نشرح الموضوع بشكل العملي ده كده النوع الاول من العناوين وهي عناوين بتثير فضول الجمهور المستهدف لو تلاحظ انا كاتب خطا كبير تقوم به القنوات الصغيره حتى الان فانت لو عندك قناه يوتيوب عايز تعرف ايه هو الخطا الكبير اللي كل القنوات بتعمله حتى الان فده شيء بيثير فضولك فانت بتخش على الفيديو تلقائي بدون ما تشعر ولكن ما تحاولش تبالغ فيه الكلمات المحفزه او الكلمات الغامضه في العنوان ويكون الفيديو بتاعك ضعيف يعني لازم يكون في توازن بين محتوى الفيديو وبين العنوان علشان المشاهد لو دخل ولقى الفيديو مش هيلبئ احتياجاته الفيديو ضعيف الفيديو المستوى بتاعه ما يرتقيش ان انت تكتب عنوان زي ده فانت كده هتخسر مش هتكسب في حد انا سامعه بقى دلوقتي هيقول انت كنت قلت لنا قبل كده انك لازم تكتب كلمات مفتاحيه في العنوان طب فين الكلمات المفتاحيه الناس هتلاقي الفيديو ازاي في نتائج البحث كده الفيديو مش هيظهر في البحث هقول لك لا الفيديو هيظهر لان احنا عوضنا عدم كتابه كلمات مفتاحيه في العنوان وكتبناها في الوصف اليوتيوب بيقول لك ايه على الوصف بيقول لك ان تضمين كلمات رئيسيه في الوصف يسهل العثور على فيديوهاتك في نتائج البحث ننصحك بتقديم لمحه عن الفيديو وادراج الكلمات الرئيسيه في بدايه الوصف وده اللي احنا عملناه بالزبط فانت لما تيجي تكتب عنوان بالشكل ده فلازم تكتب كلمات مفتاحيه في الوصف سبب نقص المشاهدات في اليوتيوب دي اسمها كلمه مفتاحيه كلمه مفتاحيه دي ممكن تكون كلمه واحده او كلمتين او تلاته او اربعه دي اسمها كلمه مفتاحيه سبب عدم نجاح قنوات اليوتيوب دي كلمه مفتاحيه كده معنا اثنين عدم اكتشاف القناه كده تلاته زياده المشاهدات على القناه كده اربعه زياده الاشتراكات على القناه دي كده خمس كلمات مفتاحيه في سطرين الوصف ما ترصش كلمات تحت بعضها اكتب سطرين اهو او ثلاث سطور فيهم اهم الكلمات المفتاحيه هتقول لي طب انا اجيب الكلمات المفتاحيه دي منين هقول ابدا شوفهم فدي كده كانت الطريقه الاولى لكتابه العنوان ان العنوان يكون بيثير فضول الجمهور المستهدف او يكون في كلمات جذابه او كلمات محفزه بحيث المشاهد يدخل على الفيديو وبتكتب الكلمات المفتاحيه في الوصف وبتكتبها برضو في التاجز او يعني في العلامات ولكن الوصف اقوى بكتير من العلامات يعني العلامات مش بتؤثر زي الوصف اما بقى الطريقه التانيه وهي انك تكتب الكلمات المفتاحيه بجانب كلمه محفزه زي ده مثلا كيفيه رفع فيديو على اليوتيوب بشكل احترافي من الهاتف دي كده كلمه مفتاحيه عليها بحث اللي هي كيفيه رفع فيديو على اليوتيوب لحد هنا كده ممكن من الهاتف بشكل احترافي من الهاتف بعد كده بحط شرطه صغيره كده او شرطه واقفه اللي هي دي يا اما ده يا اما ده واكتب بقى جمله محفزه يبقى انا كده ضربت عصفورين بحجر كتبت كلمه مفتاحيه عليها بحث عالي زائد ان انا كتبت كلمه محفزه او كلمه غامضه فدي برضو من الطرق اللي احنا بنستخدمها زائد بقى الوصف لازم نكتب فيه كلمات مفتاحيه عليها بحث ده احنا متفقين على الموضوع ده هتقول لي طب انا اجيب الكلمات المحفزه والكلمات اللي بتثير فضول الناس منين انا كنت عامل فيديو في بعض الكلمات الفيديو ده مهم جدا يا جماعه وهيفرق معكم انا كاتب فيه بعض الكلمات اهي ده غير ان الفيديو يعني قيم جدا لازم تشوفه يعني مثلا كلمه غيرت حياتي الحقيقه الكامله حقيقه كذا ان انت تستخدم اطار زمني افعل هذا الان لمضاعفه مشاهدتك في سبع دقائق طريقه عمل الملوخيه في ثلاث دقائق فقط اطار زمني ده بيفرق خسيت 20 كيلو في اسبوع فقط ولكن طبعا ما تبالغش زي ما اتفقنا انا نادم على كذا او توقف عن فعل كذا لا تفعل هذا لم اكن اتوقع فالكلمات ديت مهمه جدا ممكن تدونها وتحطها او تصغها في العنوان بتاعك وشوف برضو الفيديو ده هيفيدك بشكل كبير جدا فدي الطريقه التانيه ان انت تكتب عنوان في كلمات مفتاحيه وفي نفس الوقت العنوان ده يكون فيه جمله محفزه انا لو رحت كده برضو هشوف مثلا فيديو زي ده طريقه الحصول على اول الف مشترك في اليوتيوب في 12 خطوه عمليه على فكره الارقام بتثير اهتمام الجمهور برضو يعني مثلا هنا هتلاقيني كاتب سبع طرق لزياده التفاعل والمتابعين على صفحه الفيسبوك مجانا وكاتب لك هنا جنبها نتائج مضمونه فدي برضو نوع من انواع العناوين اللي بتتكتب بيكون في رقم زائد الكلمه المحفزه او الكلمه اللي بتثير الفضول اهي زائد برضو الوصف يكون مكتوب بالطريقه دي طيب في بقى بعض النصائح حابب برده تحطهم في عين الاعتبار وانت بتعمل عنوان ان العنوان يكون قصير وسهل التذكر يجب الا يزيد طول العنوان عن سبعين حرف ما تكتبش ال 100 حرف كلهم 70 60 65 75 بالكتير علشان يظهر كامل في نتائج البحث واقتراحات الفيديو استخدم كلمات رئيسيه متعلقه محتوى الفيديو هيساعدك في ظهور الفيديو في نتائج البحث عند البحث عن تلك الكلمات استخدم كلمات وجمل قويه وجذابه اجعل عنوان الفيديو يسير فضول المشاهدين ويجعلهم يرغبون في معرفه المزيد عن الفيديو استخدم ارقام واحصائيات في العنوان يمكن ان يساعد ذلك في جذب انتباه المشاهدين واقنعهم بان الفيديو يحتوي على معلومات قيمه زي ما احنا قلنا سبع طرق لزياده التفاعل والمتابعين على صفحه الفيسبوك مجانا عشر اخطاء قد يقع فيهم اصحاب قنوات اليوتيوب خمس طرق لعمل عجينه البيتزا بشكل ناجح ومضمون فانت بقى وظف الارقام في المحتوى بتاعك وفي عناوين فيديوهاتك زي ما انت عايز اخيرا استخدم علامات الترقيم بشكل فعال بتساعد على تنظيم العنوان واجعلوه اكثر سهوله في القراءه علامه الترقيم اللي هي زي مثلا علامه التعجب يعني دايما تلاقيني حاطه علامه تعجب علامه استفهام تلاقي الشرطه كده الوقفه او النقطتين يعني كاتب كده وحاطط نقطتين ومكمل دي كده علامات الترقيم ممكن تستخدمها عند الحاجه حاول بقى توظف بقدر المستطاع الطريقتين دول في صياغه عناوين فيديوهاتك ولكن النصيحتين اللي بقولهم لك ان انت ما تبالغش في كتابه العنوان وما تحاولش تضلل المشاهد ما حدش عبيط يعني ما تكتبش حاجه ويكون محتوى الفيديو حاجه تانيه فده هيؤدي الى ارتداد المشاهد في بدايه الفيديو يعني هشوف لك عشرين ثانيه ولا حاجه فهيطلع من بدايه الفيديو فهيؤثر بالسلب على الفيديو وعلى ظهور الفيديو في المقترحات وفي نتائج البحث فبالتالي الفيديو هيفشل ويبقى انت كده يعني دمرت الفيديو ما ساعدتوش بتمنى ان يكون الفيديو مفيد بالنسبه لكم ويا ريت تكتب لي في التعليقات انهو طريقه اللي انت بتستخدمها ولو في طريقه ثالثه في دماغك ممكن تكتبها لي برضو في التعليقات السلام عليكم