بسم الله نبدا من جديد كان عندي مشكله ان في ناس كتيره بتغلط في اسمي يعني محمد ابو زيد محمود ابو زيد احمد ابو اليزيد ولكن بعد اللي حصل ده يعني اظن خلاص المشكله دي معلش هتبقى موجوده لان اسمي اتكرر كتير جدا جدا الفتره اللي فاتت احمد ابو زيد احمد ابو زيد احمد ابو زيد احمد ابو زيد احمد ابو زيد احمد ابو زيد احمد ابو زيد احمد ابو زيد احمد ابو زيد احمد ابو زيد احمد ابو زيد احمد ابو زيد احمد ابو زيد اكلم انا احمد ابو زياد احمد ابو زيادوز الحقيقه انا زعلان من كل الناس دي يعني في الاخبار كان بيذكر اليوتيوبر احمد ابو زيد البلوجر احمد ابو زيد صانع المحتوى احمد ابو زيد حتى في بعض الاحيان التيك توكر احمد ابو زيد ونسيوا اهم حاجه يعني نسيو اهم حاجه يعني شايف انت التدريجه اللي هنا دي شايف يعني فين دي فين التدريجه يعني يعني معلش يعني ما تكلمنيش يعني نسيو اهم حاجه فعلا يعني وانس يو ار انج انجينير يو ار فور ايفر ان انجينير يا جماعه يعني مش مش عشان الواحد بقى صانع محتوى ينسينسى بقى ان هو مهندس يعني معلش المهم في ناس لطيفه كانت بتكتب حاجات كتيره واللي منها احمد ابو زيد لما يطلع من السجن هيكتب اكت او اهم 10 حاجات اتعلمتهم في السجن بجد يعني بجد وهاها بقى وحاجات من دي طب على فكره هم اكت من 10 يعني هم اكت من 10 بكتير يعني الواحد اتعلم في ال 50 يوم دول حاجات كتيره جدا ولكن لا السياق ولا الوقت هيسمح ان احنا نذكر كل الحاجات ديت فول اهم الحاجات اللي هم مثلا ممكن يخشوا في بتاع 11 12 حاجه يعني مش 10 اول حاجه ما تمتلئ به ينفعك زي الجمل كده زي الجمل كده لما بيروح يشرب فبيملا السنام ده وتاني يشرب كتير كتير كتير كتير ميه كتير عشان يقعد ايام واسابيع ويمكن اكث من كده دون الاحتياج للماء لانه معاه ما ينفعه او معاه الزواده بتاعته من الماء الحاجات بقى اللي انت كنت بتملا بيه ذهنك في الفترات السابقه لهذه المعضله بتكلم عن نفسي طبعا يعني حاجات مثلا زي معنى الحياه في الانسان الحديث الدكتور عبد الله الوهيبي يعني كنت بقرا عن معاناه المساجين في بعض السجون في حين ان في مساجين في سجون ثانيه تحس ان هم ايه هاديين ومستوعبين وصابرين وده يعني ليه حاجات كتيره قوي قوي قوي فالواحد بقى بيقعد يعصر دماغه عشان يفتكر الحاجات اللي كان قراها واللي كان عمل لها هايلايت في الفترات دي فالحاجات اللي انت كنت عمال تملا بها ذهنك ووعيك وفكرك بتنفعك في الاوقات دي يمكن برده من الحاجات اللي كان لها ومضات في ذهني اثناء المحنه ديت هي التويتات الاخيره اللي انا كنت كتبتها يعني كان في تويته عن الدكتور محمد ابو موسى اللي هو شيخ البلاغيين كان بيقول ان انت عليك ان تنجز اجل الاعمال في اسوا الازمان وبالنسبه لي الفتره ديت كانت يمكن اسوا الازمان اللي مرت عليا بشكل شخصي يعني ف رغم السوء ده عليك ان تنجز اشل الاعمال فده من الحاجات اللي كانت بتزقني شويه ان انا ابعد عن احباط والحزن والاكتئاب رغم ان ما فيش حد بيمر بالتجربه دي الا وبيمسه نفسه كل الحاجات دي بقى لان هي احيانا تتكلب عليه وقد تهلكه لولا يعني لطف ربنا وبرده مقولات على شاكلات لولا المصاعب ما كنت رجلا ولولا المحن لما ذقت طعم الصداقه وحاجات كتيره قوي قوي قوي من المعاني دي المعاني ديت الواحد كان بيصدقها وبيظن ان هي صادقه فعلا وحقيقيه ولكن لما تمر بالمحن بقى وتعاصر الموضوع لا يعني انت بتقتنع بيها في بمستوى عميق جدا في نفسك فتقدر تقول باختصار شديد ان اللي بتملا به نفسك وقت الرخاء بينفعك وقت المحن الحاجه الثانيه اللي اتعلمتها وهي اهميه انك تلجم ذهنك يعني تصرفه عما يهلكه في العموم وبالاخص في اوقات المحن لو ترك الانسان الحبل على الغارب لدماغه هتسحله زي ما بيقول او هتهلكه الافكار والخواطر وشريط الفيديو اللي بيقعد يشتغل في دماغك كده بلا توقف ولما يخلص يشتغل ثاني للاحداث اللي حصلت وادت بيك لهذه المحنه وازاي كنت المفروض تعمل كذا وازاي المفروض وتلوم نفسك وتلوم الناس وتلوم يعني بيبقى وضع سيء جدا جدا ففي بعض الناس بتلجا لبعض المحفزات الخارجيه اللي بتسكن تماما تفكيرك وذهنك وتنسيك وتعيشك في وضع ا يعني ما انتتاش حاسس باي حاجه وما انتتاش بتفكر في اي حاجه وطبعا ده ما كانش خيار بالنسبه لي ولكن لحسن حظي كنت مريت بتجربه صعبه سابقه ووقتها رميت نفسي وسط الكتب والقراءه ف بالصدفه قرات كتاب اسمه فلو واللي هو بيعلمك ازاي بقى تخش في تجربه تنسى كل اللي حواليك وتنغمس في الحاجه اللي انت بتعملها وتصرف ذهنك عن اي حاجه ثانيه والكلام ده فبشكل ما التجربه السابقه اللي من خلالها قرات هذا الكتاب نفعتني في المحنه دي فرميت نفسي في القراءه يعني عايز اصرف ذهني عن الواقع اللي انا عايشه حاليا عايز اعيش واقع اخر او عده هو جمع ايه وقائع رياليتيز ان الواحد يعيش حاجات يعني يعني يعيش مع روايه او يعيش مع كتاب وبالفعل سبحان الله يعني في في ال 50 يوم دول قرات حوالي 25 كتاب يعني بمعدل كتاب كل يومين تتخيل ان انت كنت بتعاني مثلا ا في الطبيعي انك تقرا خمس صفحات او 10 صفحات يوميا انت بتقرا في المتوسط من 150 ل 200 صفحه يوميا وقراءه متانيه نيه بالراحه مستوعبه طبعا للكتب وانك تعمل هايلايت وتكتب الخواطر او التاملات اللي بتجي لك لما تقرا الحاجات ديت فكانت يعني تجربه ما اظنش ان انا حسيت بنفس المستوى من التركيز ده زي الوقت ده كمان الروايات بتساعد جدا لانك بتعيش رحله مع بطل في عالم ثاني ربما يكون عالم خيالي اصلا فبتعيش معاه حاجات وبرده كان الواحد بيحاول ان هو قدر الامكان يقرا ببطء علشان الروايه ما تخلصش بسرعه لان يعني الريسورسز او الموارد ما هياش متاحه طول الوقت فانت عايز يعني الروايه اللي بتقراها تستمر معاك لاطول فتره ممكن في كتب برض بتقراها ايه بتاني كده وبرويه والحقيقه اصعب وقتين كانوا بيمروا عليا هو وقت الاستيقاظ اول ما تصحى من النوم كده عارف انت ال 10 ثواني اللي هو بتفتح عينيك ف تستوعب انت فين وامتى وجيت هنا ازاي يعني ا كانت يعني بتحصل لي قبضه في صدر كده وخانقه اول ما اصحى من النوم واشوف انا فين وايه اللي جابني هنا و ك يعني ثواني صعبه ثواني صعبه جدا جدا والوقت الثاني كان قبل النوم على طول انت طول النهار ماشي عمال تصرف ذهنك اوكي انت راجل لعيب في الحته ديت عمال تقرا عمال ا تتكلم مع الناس يعني تنام شويه اه يعني من افضل الحاجات اللي تعملها في ال في المرحله دي هو النوم حقيقه يعني ده ان جه قبل النوم بقى انت طبعا بتترك الحبل على الغارب وبتحاول تهدي افكارك وبتحاول ترمي ايه ما تكونش شادد اللي جام على ذنك عشان تعرف تنام وقتها بقى هنا بتبقى الايه الباي باك او يعني ايه الثقر دماغك بقى يقوم ايه شفت انت الحنفيه اللي كنت قافلها دي بيقوم فاتحها مره واحده ف تلاقي سيل من الافكار السلبيه وسيل من لوم النفس تحتاج في الوقت دههو مجاهده شديده قوي انك تذكر نفسك ان ديت اقدار وان ما حدث كان لابد ان يحدث وان في حكمه من تعت تستجمع بقى كل ايه ذخائرك في الوقت ده علشان تهاجم بها او يعني تحمي نفسك من الافكار السلبيه عشان تعرف تنام وبالفعل كان يعني بيبقى في ارق شديد جدا لدرجه ان انت لا تنام الا بعد الفجر ا خلاص جسمك بيشط داون او بيقفل خالص فغصبا عنك ا بتنام سوايعات لربما ايه يعني هتعرف تنامهم يعني فاللي نفعني حقيقه هو موضوع انك تدرب نفسك انك تتحكم في ذهنك تلجمه ما تخليهوش يذبح كده في الافكار افكار عشوائيه بشكل ما اسف شديد الحاجات اللي احنا بنعملها اليومين دول بتدرب دماغك ان هو دايما ايه ينتقل ما بين كثير جدا من الافكار العشوائيه في وقت قليل ففكره ان انت تنغمس في فكره لمده طويله ده غير غير بيبقى صعب جدا على كثير من الناس والشاهد بالامر برض ان انا حققت ارقام قياسيه ان انا قرات اطول روايه قراتها في حياتي او اطول كتاب قراته في حياتي كان فعلا هناك يعني كانت روايه مرعبه كده كبيره كذلك قرات الكتاب واحد من اصعب الكتب اللي ممكن الواحد يقراها لان لغته لغته صعبه لغته العربيه ثقيله يعني اللي كان كاتبه يعني راجل علامه في اللغه العربيه ف الكتاب ثقيل ف برده فكره ان الواحد كان بيقرا بتاني وما بيعملش سكيب او يعني ايه يتخطى الحاجات اللي هي محتاجه شويه تفكير لان زي ما قلت لك انت ما عندكش حاجه تعملها فانت اصلا اقرا بالراحه وحاول تفهم وحاول تستوعب الكلام فده نفعني جدا جدا في استيعاب افكار صعبه يعني فموضوع انك تدرب دماغك عن الانصراف عن الافكار السلبيه او لربما انك تنتقل من الواقع اللي انت عايشه لواقع اخر اظن ان هي مهاره خرافيه لو اتقنتها يعني او ادربت عليها يعني هتصل لمستويات حلوه قوي قوي وهتنفعك وقت المحن يعني ربنا ما يكتبش على اي حد اي محن ولكن ا لو حصل فيبقى عندك في الجعبه بتاعتك بعض الادوات اللي تساعدك الحاجه الثالثه اللي اتعلمتها هي ان الناس درجات من الرمادي كلنا كلنا درجات من الرمادي النظره الاحاديه اللي هي ايه يا ابيض يا اسود مش مش منطقيه خالص ومش طبيعيه ولكن للاسف الشديد احيانا الانسان بيميل ليها لانها اسهل انك تحكم على الناس ده ابيض وده اسود انك تفسر الناس كده ايه تو كاتيجوريز او فئتين ابيض واسود كويس ومش كويس ا طيب وشرير في قصه من اروع القصص اللي يعني قرات عنها وفيما بعد عصرتها كان عبد الله بن احمد بن حنبل كان بيسمع ابوه احمد بن حنبل او بيسمع اباه احمد بن حنبل بيدعو لواحد اسمه ابو الهيثم كان يقول اللهم اغفر لابي الهيثم اللهم ارحم ابا الهيثم فعبد الله بن الامام احمد سال ابوه عن ابي الهيثم مين ابي الهيثم ده فقال له ان لما اتحكم عليه ان هو يجلد في الصباح ف الليله اللي قبل الجلد دخل زنزانه ظلمه كده فلقى واحد بينخذه كده زقه يقول له انت احمد بن حنبل قال له نعم ا فالراجلغزله قال له الا تعرفني الامام احمد قال له لا قال له انا ابو الهيثم اللص وشارب الخمر وقطع الطريق مكتوب في ديوان امير المؤمنين اني جلدت 18000 جلده 18000 ان اتجلت 18000 جلده متفرقين وصبرت على ذلك في سبيل الشيطان فاثبت يا احمد في سبيل الرحمن والامام احمد كان يخشى الجلد كان يخشى الضرب لربما ايه من شده الضرب ا خلاص يرضخ عن رايه ويقول ان القران مخلوق فلما كانوا بيجلدوه ويشتد عليه الجلد كان بيتذكر ابا الهيثم وكان يعني الموضوع بيثبته ويهون عليه الصعوبه ليه انا بحكي القصه ديت لاني قابلني ابا الهيثم في السجن السجن اللي انا رحته ده قابلت ابا الهيثم مش بشخصه ولكن بشخصيته الحقيقه هم ابو الهياثم كتير يعني ناس كتيره كانت بتهون عليا المحنه ديت وسبحان الله يعني هم اصلا في يعني في ابتلاءات اشد مني في ابتلاءات اشد يعني خمس سنين بقى وست سنين وع سنين وحاجات كتيره قوي وتلاقيه هو اللي بيهون عليك وبيصبرك مش عارف بصراحه يعني اول تجربه طبعا ليا ف انت كل حاجه عمال تتصادم فيها تتصادم فيها تتصادم فيها فانت لسه مش مش مستحمل ومش مش عارف وك صعب الموضوع صعب جدا جدا يعني ولكن هم بقى يعني يمكن عندهم خبره شويه فهونوا عليا والله يعني تخيل ا ان كتير من اللي كنت معاهم كانوا تجار في الماده اللي هي مقننه في هولندا ولكن مش مقننه في باقي البلاد كانوا هم اللي بيهونوا عليا فيعني لما تعيش مع الناس دي وتتكلم معاهم وتقرب منهم وتكتشف جوانب حياتهم وشخصياتهم لا لا لا الحكم اللي هو ابيض واسود يعني حكم طفولي جدا جدا يعني الانسان له ابعاد ثانيه ابعاد ثانيه ما تدركهاش او ما تعرفهاش الا لما تقرب من الشخص وتتعامل معاه ويعني اهو لو كنت قابلتني قبل المحنه ديت قلت لي ان انت في الصلاه هتدعو لناس بيتاجر في الحاجات اللي هي مقننه فولندا ديت تدعم بالهدايه وتدعي لهم بالمغفره وتدع لهم ان ربنا يهون عليهم ما كنتش ا ما كنتش هصدق خالص حياه يا مليئه بالمفاجات الحاجه الرابعه اللي اتعلمتها وهي ان انت مش مشغول انت مش مشغول ولكن في ثقوب في وقتك اثناء المحنه ادركت قد ايه ان اليوم طويل جدا جدا طويل ويعني بتحاول تشغل وقتك وتملا الوقت ده على قد ما تقدر وبتعمل حاجات كتير قوي لسه ببقى فيه كماله كده ما مش لسه ما خلصتش يعني اهو بيقول لك كنا بنخلص كتاب كل يومين ده بجانب الورد والقراءه والكتابه والجلوس مع الناس والمناقشات والجدال يعني حاجات كتيره قوي بتحصل واليوم بيبقى لسه فيه باقي من الحاجات الطريفه ان انا كان بقي لي جزء باقي كده في كتاب كيب جون بتاع اوستين كليون فقراتها جوه يعني فكان في جزئيه كان هو بيزور فيها سجن اسمه الكتراز فما دخل شاف الاوض وشاف الزنازين وشاف العزله وشاف الحاجات ديت فبيقول ياه لو الواحد قعد هنا ده المكان المثالي للشخص اللي عايز يخلص الروايات او اللي عايز عايز يقرا حاجات معينه ولكن مش لاقي وقت او مشتطت معظم الوقت فده المكان المثالي لحاجه زي كده فاكر ان انا كتبت ملحوظه يعني اللي هو ايه لا يعني انت غلطان يا صاحبي يعني يعني فكره ايه اه الطرفه ان انا بقرا هذا الكلام وانا في السجن فعلا يعني تخيل لما واحد بره يقول لك يا لو كنت في السجن كنت زي ما انا كتبته اقول له لا يا صاحبي مش صح يعني طب ليه ما تسال الله العافيه وحاول قدر الامكان انك تبني بيئه خليه من المشتتات بره او يعني تحجز نفسك بس يكون في نوع من الحريه زي مثلا فيكتور هيوجو اللي كتب البؤساء هو هو كان عمال يماطل برده ويسوف وبتاع لحد ما حبس نفسه خلى الخدام خدوا الهدوم اللي بيخرج بيه علشان ما يخرجش ولبس شوال لحد ما خلص الروايه والروايه بقت اشهر روايه ليه على ما اظن وفي قصص ثانيه زي برده لوستيوفسكي برض نفس الكلام حجز نفسه جاب واحده تكتب الروايه بتاعته وحاجات احد رواياته يعني وحاجات من هذا القبيل فالخلاصه يعني لو انت قدرت تسد الثقوب اللي عماله يعني تسحب منك وقتك او تسرق منك وقتك صدقني هتكتشف ان اليوم طويل جدا وجرب يعني انا جربت الموضوع ده جربت 30 يوم حتى قبل المحنه ديت كنت بستخدم الدم فون او التليفون الغابي اللي هو بظراير ده لمده 30 يوم وقد ايه الواحد يعني عاش تجارب وانجز حاجات كتيره جدا واليوم فعلا كان بيبقى فيه بركه لان انت يعني انت بتمحو البركه بتاع اليوم بسبب ان في ثقوب كتيره قوي قوي عماله تسرق منك وقتك وفكرك وادراكك للوقت اظن هي الفكره في الادراك للوقت اكث من انها اي شيء اخر يعني ان انت الانسان لا يدرك مرور الوقت الا لو هو قاعد ما فيش حاجه بتشتته لكن طول ما في حاجه صرفه ذهنه ومشغلاه ومشتتها هو الوقت بيعدي بسرعه جدا فانت لست مشغولا ولكن في ثقوب كثيره جدا في وقتك حاول تسد اكبر قدر ممكن منها وهتلاقي ان انت عندك وقت تقرا الكتب اللي انت عايز تقراها تتعلم الحاجات اللي عايز تتعلمها تزور الناس اللي عايز تزورهم تسافر وتقرا وتكتب وتعمل كل الحاجات اللي نفسك فيها بس سد الثقوب دي الحاجه الخامسه عرفت الله في السجن اخشع صلاه صلتها في حياتي كانت في السجن اول ما دخلت كنت مخطوف يعني عارف يعني ايه مخطوف انت مش مستوعب ايه اللي بيحصل حاجه بتحصل بسرعه ومش مستوعب حرفيا ايه اللي بيحصل فكنت بستنى الصلاه بعد الصلاه هي الحاجه الوحيده اللي كانت بتهديني وتحسسني بالصله مع المولى عز وجل وان في حكمه من اللي بيحصل ده وان مش مجرد لا يعني التجربه صعبه للدرجه ان انت نفسك مش مستقره مش هاديه وما بيحصلهاش اي نوع من الهدوء الا في اوقات الصلاه تحس ان انت مش لوحدك ان في اله بيسمعك ويراك وانك مش متروك لحالك معنى ارحنا بها يا بلال كان اول مره استشعره يعني احنا بنصلي كتير يعني بتبقى الصلاه ثقيله عليك يعني بتصليها عشان فرض عشان لا تاثم يعني او ما يبقاش عليك ذنب ولكن فكره ان انت تنتظر الصلاه عشان تريحك تهديك شويه ارحنا بها يا بلال هنا يوم الجمعه كنت اندهش من مدى سهوله وثلاثه وسرعه وخفيه قراءه سوره الكهف يا سوره الكهف اللي انت يعني مستثقلها وكم صفحه انا احيانا واللهده ده حصل كذا مره يعني ان انا استغرب هي خلصت بسرعه كده ليه لدرجه ان انا اشك ان مثلا في صفحات لازقه في بعض فانا يعني تخطيتها سهوا لا انا قراتها كلها فسبحان الله سبحان الله يعني الحاجه اللي كنت بستثقلها جدا هناك كانت بتبقى اخف من الريشه الحاجات المتذكره جدا واللي كاتبها برده هناك كنت في يوم متضايق جدا ومخنوق اللي هو يعني بتجي لك خنقه كده ودقيقه مش قادر مش قادر والموضوع صعب جدا جدا فتذكرت ان انا خلاص اروم اقرا الورد كده ولعل الواحد يعني ايه نفسه تطيب شويه بالقران انت عارف القران اصلا يعني مسكن ومهدئ يعني سبحان الله يعني قراءه القران في العموم لها تاثير عجيب على النفس وقت المحن انت بتستشعر معاني الكلام بقى تستشعر ان الله عز وجل يكلمك انت انت تستشعر وتفهم الرسائل اللي سبحان الله كانك بتقرا الشيء اللي يعني انت محتاجه في الوقت دههوت تحس ان الله عز وجل يكلمك انت انا اناكلمها انا انا احمد اوزيت دي دي ليك الرساله دي ليك فانت بتقراها في العادي كده وتعدي عليها لان ما فيش حاجه تربطك بالمعنى ده او بالكلام ده دلوقتي لكن وقت المحن كل شيء كل شيء كل شيء تحس تستشعره قوي قوي وتستشعر ان الكلام موجه ليك شخصيا فسبحان الله يعني بدات اقرا علامه اللي هي البوك مارك او العلامه اللي انت واقف عندها في القراءه فخلصت هوبوب على نهايه الورد كان سوره الطور اخر ايتين سبحان الله واصبر لحكم ربك فانك باعيننا انا وقتها اتهزيت يعني وكان الرساله دي ليك واصبر لحكم ربك فانك باعيننا وسبح بحمد ربك حين تقوم ومن الليل فسبحه وادبارا النجوم واصبر لحكم ربك فانك باعيننا لا تتخيل مدى الهدوء والسكينه وياه الواحد خلصت القراءه منشرح الصدر ويعني صابر ومحتسب ويا سلام يا سلام على هذه اللحظه لحظه لحظه قد فارقه فعلا والله الحاجه رقم سته اللي اتعلمتها وهي ان الصلابه النفسيه لا تاتي من المعرفه النظريه فقط انا بحب الامثال والتشبيهات ويمكن دي كانت احد الدعائم الاساسيه اللي قام عليها المحتوى والفيديوهات والدروس بتاع دروس اون لاين انا بحاول اجيب امثله او تشبيهات تختصر او تقرب الصوره اللي احنا بنحاول نوصلها او نشرحها وانا في سويسرا اي كي اي السجن يعني كلمه السجن بيبقى لها قبضه كده في القلب يعني ف خلينا نقول سويسرا كنايه عن السجن يعني هو ده الاسم المتعارف عليه هنا في مصر كانت صوره قطعه المعدن اللي بتتعرض للترك والتسخين و تتحط في ميه وبعدين يطلعاني تتعرض للترك والتسخين وبعدين تتحط في ميه وبعدين ا يتم الثقل وبعدين يتم الشحذ او ان هي تتسن وبعدين مش عارف تتلمع بيطلع عنها ولكن في النهايه بتطلع يعني سيف براق قوي شديد قاطع له فايده او تطلع قطعه فنيه لها معنى ولها قيمه كلمات زي الثقل والسبك كانت بتتردد على ذهني وبتيجي على خاطري كتير قوي فكره انك تسبك معدنين او تجيب معدنين يعني بشكل ما تخلطهم مع بعض فيطلعوا لك حاجه نهائيه القيمه بتاعتها او الفايده بتاعتها عاليه جدا زي الحديد اللي بنحط عليه كروم علشان يقاوم الصدا ويطلع لنا في النهايه الاستاند ستيل او اللي هو الحديد المقاوم للصدا فاحنا عندنا مثلا بندرس في المدرسه ان حديد زائد كروم ساوي ستانلي ستيل او حديد مقاوم للصد معلومه عرفتها ولكن لما تروح المصنع بقى وتقف جنب العامل اللي هو بيشوف الحديد او بيبقى قريب جدا من الحديد وهو بيتسخن وهو بيتسهر وبعدين بتخلط الاثنين مع بعض عمليه صعبه جدا وفي اجواء صعبه صعبه جدا جدا بتبقى مرهق وتعبان فهو ده الفرق هو ده الفرق ما بين المعرفه النظريه انك عارف المعادله وما بين انك رايح بقى وبتيه قريب جدا من العمليه وبتشعر بالحراره وبتشعر بصعوبه الموضوع فالمعرفه النظريه وحدها رغم اهميتها الا انها لا تكون صلابه نفسيه حقيقيه التجارب وخوض غمار الصعوبات هي اللي بتثقل شخصيتك وبتسبكها وبتخليها مقاومه للصداقه الحاجه رقم سبعه وهي ان الكتابه لها مفعول السحر مسكن عجيب للالام حقيقي حقيقي حقيقي الكتابه ولله الحمد ساعدتني بشكل كبير جدا في المحنه دي طريف ان احنا اللي عاملين النوت بوكس دي نوت بوكس بتاعه دروس اون لاين وسبحان الله يعني انقذوني يعني اللي مكتوب هنا يعني كان بيقتلني فلما فرغته في الورق ده بشكل ما كان بمثابه مسكن او كان بمثابه استراحه من كل الافكار والضغوطات اللي الواحد كان متعرض ليها والعجيب ان الاثنين نوت بوكس دول هم من اغلى الحاجات اللي عندي دلوقتي يعني فيهم افكاري والامي وخواطري ومناجاتي ومخططاتي او المستقبل يعني هتعمل فيه ايه والحاجات دي كلها فسبحان الله لربما في يوم من الايام الحاجات اللي هنا تكون نواه او بذره لكتاب او لشيء من هذا القبيل مين عارف ولربما نعمل عليهم مزاد خيري في يوم من الايام اللي حابب يقتني بقى النسخه الاصليه لتجربه بشريه بكل جوانبها برض مين عارفون نوز المهم الكتابه ثم الكتابه ثم الكتابه عمل لك فيديوهات كتير جدا عن التدوين والجيرنالين وقد ايه هو مهم وقد ايه هو هيخليك تشوف افكارك وقد ايه هينظم لك دماغك وقد ايه فنضيف يعني سطر كمان يساعدوك في المحن الشداد فعلا بدونها الموضوع هيكون صعب كتابه افكارك وخواطرك واحزانك والامك مش هتحل المشكله ولكن هتطمن دماغك شويه وت وتدي له فرصه للراحه من اعاده تدوير نفس الفكره في حلقه مفرغه وانت مش قادر تتحكم فيها ولا قادر تصرفها ولا قادر تسكتها فانك تكتبها على الورق وتحبسها فيه ده هيديلك فرصه كده انك تسرح شويه وكانك بتاتمن الورق على احزانك والامك بحيث ان انت تكون مطمن شويه وتطمن دماغك ان اوكي احنا الحاجات موجوده اهيت ما راحتش في اي حته فسيبها شويه اتركها حبتين يعني المعنى ده كان اتكلم عنه الدكتور عماد رشاد عثمان في فكره ان مشاركه احزانك مع حد هي او مشاركه مشاكلك واحزانك يعني هي مش بتصرف الاحزان ولا بتحل المشاكل ولكن بتريحك شيء عجيب جدا جدا وكان زي ما بيقول كده انك ايه بنفسك بتطيب شويه وتطمئن وتحاول تترك الحزن ده شويه تطمن ان في حد ثاني معاه نسخه من احزانك والامك لو حبيت ترجع لها في اي وقت وانك تاخد وتدي معاه فهي موجوده مش عارف واصل الوصف ولا لا بس بصراحه الراجل يعني وصفها وصف دقيق جدا جدا فالكتابه ثم الكتابه ثم الكتابه هنظل نكرر هذه الكلمه وان شاء الله فيديوهات اكث حتى عن الجورناللينج وحاجات ثانيه كتير وبالمناسبه الناس اللي كانت بتطلب الحاجات ديت وعلى تويتر واخدين بالنا والله ومتابعين وان شاء الله ابشرهم بالخير باذن الله شغالين على باتش جديد وان شاء الله تكون متاحه قريب ووقت ما تكون متاحه يعني هنعرفكم باذن الله ف لما تكون متاحه الحق اشتريها لان الاتاحه بتاعتها ما بتبقاش موجودهدامهم مده طويله يعني الحاجه رقم ثمانيه وهي ان الانسان مختبر في كل ما يقول لما كنت في سويسرا ففي احد الزيارات يعني اخبرنا احد الاصدقاء ان الفيديوهات اللي كنا بنعملها في ناس بدات تقطع مقتطفات منها وتنشرها بقى على الانستغرام وتيك توك والحاجات اللي زي ديت والاجزاء بقى اللي هي الخاصه بالابتلاء والصبر وان ما حدث هو كان افضل حاجه ممكن تحصل لك وانك عندك يقين ان ربنا دايما اقداره خير فسبحان الله وكان الانسان وهو في وسط البلاء ينسى الحاجات اللي كان بيقولها للناس فيحتاج ان الناس تذكره بيها وكان الايه الكريمه وذكر فان الذكرى تنفع المؤمنين يعني كده فعلا انت اما تكون وسط البلاء انت بتحتاج حد يمعلشك انت بتمعلش الناس لا معلش فانت في وسط البلاء انت بقى محتاج حد ثاني هو اللي يطيب خاطرك ويصبرك ويثبتك فسبحان الله شيء عجيب التذكير مهم جدا التذكير مهم جدا جدا لاننا بننسى يعني عارف انت البوست الاسبوعي او التويته الاسبوعيه بتاعه يوم الجمعه اللي هو اي تذكير بقراءه سوره الكهف مثلا واحد التويتات اللي بتطلع لي على طول لا زالت سوره الكهف تخبرنا اسبوعيا ان الاق اقدار لا تمتثل للمنطق البشري المبني على المشاهده فيها نبع الخير من خرق سفينه وقتل غلام وبناء جدار في قريه قوم سيئين فابشر سينبع الخير من ثنايا مصيبتك التويته دي من كتر ما كانت بتطلع لي بشكل ما سمعت في عقل الباطن هناك وقراءه سوره الكهف اسبوعيا يوم الجمعه وتعرضك للقصص دي بشكل متكرر بيرسخ عندك المعنى ده ان الحاجات في ظاهرها قد يبدو شر ولكن في باطنها خير عظيم الحاجات في ظاهرها هلاك ولكن في باطنها نجاه حاجه زي دي وكلمتين زي دول صاحبهم بيكتبهم كل اسبوع وقد لا يلقي لهم بالا ولكن سبحان الله صدى الحاجات دي ممكن يصل لاي مدى فشكرا لصاحب هذه الكلمات ونتمنى انك تستمر يعني واتمنى ان اي واحد بيذكر الناس دايما دايما لا يكل ولا يمل لان الحاجات دي بتفرق واحنا بننسى وذكر فان الذكرى تنفع المؤمنين فهو كان اختبار صعب لكل ما اقول واؤمن به والحمد لله اظن ان انا يعني جبت مقبول عديت عديت بالعافيه ونسال الله العافيه ونسال الله ان احنا نكون عبيد احسانه لا عبيد امتحانه يعني دعوه جميله ان انت تدعو ربنا كده اللي هو يكون ايه محسن اليك غير ممتحنك لان انا ضعاف جدا فاللهم اجعلنا عبيد احسانك لا عبيد امتحانك الحاجه رقم تسعه هي ان انا عرفت معنى الرضا الحقيقي الصديق قال لي ارضى وان شاء الله اول ما هترضى هتطلع فانا كل في كل صلاه وفي كل سجده يا رب يا رب انا راضي يا رب يا رب انا راضي وكنت بدع عشان اطلع الحقيقه حقيقه يعني عشان اهو انا راضي اهوت فطلعني بقى لحد اخر جلسه في المحكمه ركبنا عربيه الترحلات ورايحين السجن قبل ما نعرف ايه الحكم فحنا في العربيه كان معايا حد جنبي يعني قضيته شبه قضيتي بالظبط فكان بيقول لي لا احنا هنقعد كمان شويه فانا قلت له يا عم استبشر بالخير يعني مش مشكله حتى لو قعدنا كمان اسبوع والحمد لله يطلع الحكم بالبراءه يعني او باخلاء السبيل قال لي لا لا اسبوع ايه احنا نروح في شهر اقل حاجه فالكلمه يعني قبضت قلبي اللي هو يا شهر وبعدين لما قعدت افكر في الموضوع فقلت ا يعني هنقضي رمضان في السجن يلا اا اللي خلى ال 50 يوم اللي فاتوا دول يعدوا ان شاء الله الشهر يعديه وبدات بقى ايه اتخيل اليوم في رمضان هيمشي ازاي ومين اللي هيصلي التراويح انا هصلي يوم وعمر هيصلي يوم ووليد هيصلي يوم والحوار هيمشي ازاي وسبحان الله حاجات غريبه برده الواحد ما كانش نايم قبل ليله المحكمه تبقى الليله صعبه جدا يعني فدماغك بقى بدات تسرح وبعدين سهيت شويه كده عارف انت حاله النوم اللي هو لا انت صاحي ولا انت نايم والعربيه كل هزه كده بتفوقك وبعدين ترجع ثاني تكمل اللي انت كنت فيه ف اجيب بالي بقى البلح الميه ببلح بنبلح كده في ميه هنا في مصر عشان ايه نكسر صيامنا وهنجيب تمر منين فبدات ايه خلاص عشت فعلا ان احنا الحمد لله ايه في رمضان وهقضيه هناك وان شاء الله يعدي وشاء السميع العليم اول ما نوصل ا للمركز اللي هو فيه السجن يفتحوا عربيه الترحلات يلا يلا عشان تروحوا ف الحاجات ديت الواحد لا يستوعبها الا بعدين انت وانت في وسط الحدث زي ما قلنا ما بتبقاش مدرك قوي ايه اللي بيحصل فسبحان الله الواحد ادرك فعلا ان انت اول ما رضيت بحكم الله ورضيت بالقدر يقينا صدقا حقا مش مجرد ان انت بتقول يا رب انا راضي علشان يعني عايز اروح تنفك العقد فبشكل ما كانت او يعني من المرات النادره اللي الواحد يختبر فيها الرضا الحقيقي اللي هو انا خلاص رضيت وخضعت فسبحان الله فدي كانت اول مره يعني اختبر هذا الشعور العميق للرضا الحمد لله حاجه رقم 10 وهي ان عرفت وتاكدت وتيقنت ان الانسان غارق في النعم يذبح يذبح ويعوم ويغرق في النعم من صاسه لراسه نقرا كتير الايه الكريمه وان تعدوا نعمه الله لا تحصوها لكن هل تستشعرها لا اظن ذلك انا كنت بقراها زيك بالضبط اقول اه والله ده نعم ربنا كتيره علينا والحمد لله ولكن نظريتي للنعم تبقى يعني اللي هي بقى شبه الرفاهيات لكن الحاجات المسلمات العاديه يعني عادي الحاجات العاديه الانسان لا يدرك قيمه واهميه ونعمه الحاجات العاديه دي الا لما يحرم منها هو للاسف الشديد يعني مهما قعدت اشرح لك ومهما قعدت اوصف لك مش هتشعر بالموضوع الا لما تحرم منه ربنا لا يحرمنا جميعا من اي نعم يعني ربنا لا يحرمنا جميعا من اي نعم ولكن لما بتتحط في الموقف ده كده غصبا عنك طبعا بتدرك بقى تدرك قد ايه انت عايش في نعم الحاجات العاديه الروتينيه اللي هي بالنسبه لك يعني من المسلمات ديت يا الله دي نعم عظام والله ابسطها انك تدخل الحمام وقت ما تحب وتخرج من الحمام وقت ما تحب شوف انت انت مثلا بتشوف بتخش الحمام وتطلع كم مره ا في اليوم مثلا بتقعد براحتك مثلا لحد ما ايه تخلص كده وتستريح بقى انت ممكن تقعد كمان شويه زي انك ماسك التليفون في ايدك ديت من اعظم اعظم اظم اعظم واجل النعم مهما قعدت احكي لك الموضوع ده قد ايه يعني نعمه كبيره قوي ا مش هتستشعرها قوي اللهم الا الناس اللي مروا برده بتجارب شبيهه مثلا ا ظروف صعبه دخول الحمام بينزله ما كانش بالسهوله او بالاريحيه او بالاتاحه طول الوقت حاجه زي دي فكره انك تتمشي تطلع بس تمشي في الشارع كده يا ربي يا ربي على هذه النعمه يعني نعمه عظيمه يعني اثناء العرض او التنقلات او الخروج يعني للنيابه او كده فكنت تبص من الشباك وانت في المحكمه تبص من الشبابيك بص كده تلاقي في ناس ماشيه ماشيه في الشارع الله ناس بتمشي يعني تبص واندهش كان طفل بيشوف حاجه عجيبه ناس بتمشي غير مدركه لنعمه ان هو ماشي في الشارع ماشي في الشارع فبيبص شوف زرعه اخضر شوف حاجات جميله كانت حاجه عجيبه حاجه عجيبه يعني وكان ان احنا جوه كان الحقيقه ابيض واسود فجاه اشتريت شاشه 65 بوصه بلازما كيو ليد بلس كوانتم دوتس الوان مش عارف 10 ت ولا 12 ت ما هذا الجمال انت بقى وانت ماشي كده هل انت مستشعر لا ما انتش مستشعر النعمه دي لا يستشعرها كذلك الا اللي ايه مر بحرمان مؤقت منها فسبحان الله يمكن الفوائد الجانبيه الغير مقصوده طبعا لهذه التجربه هو ان الانسان دلوقتي عنده تقدير غير عادي وشكر غير عادي للحاجات العاديه فحاول وما تنساش انك تشكر ربنا على نعمه اليوم العادي اليوم عادي يوم كده مر يوم عادي جدا اللي هو يوم عادي ما فيهوش اي حاجه يوم عادي خالص دي نعمه عظيمه نعمه عظيمه والله انت غارق في النعمه وما تنساش انك تشكر ربنا على النعمه حاجه رقم 11 وهي مقوله يعني كانت قلت في روايه وهي فكره ان كل شيء يحدث بسبب ولسبب تبدو بدييه ومنطقيه ومش محتاجه اصلا الحكي لكن هي جمله قيلت على لسان جوزفين في روايه ساق البمبو لسعود السنعوسي والحقيقه يعني اللي يقرا هي روايه قد كانت كانت فازت تقريبا ب بجازه البكر العربيه روايه رائعه حقيقه يعني كنت قراتها انا في الكليه على ما اظن ولكن علقت معايا جدا واحداثها فكره انك تستوعب ان كل شيء بيحدث بسبب ولسبب الواحد لما بيرجع لتاريخه الشخصي ويفتكر الابتلاءات والصعوبات والالام اللي مر بيها في وقت المحنه الموضوع بيكون ون في غايه الصعوبه يعني طول ما انت جوه المحنه في الموضوع صعب عليك جدا جدا بيملاك الالم والحزن وربما السخط في بعض الوقت لكن مع مرور الوقت والزمن ولربما تدرك جزء من حكمه المولى عز وجل في الحاجه اللي حصلت لك فتستشعر لطف المولى عز وجل بك ان اللي حصل ده حصل وحتى لو لم تدرك هذه الحكمه في هذه الحياه فيوم القيامه الابتلاءات دي هي محرقه للذنوب ورفع للدرجات في مقوله رائعه بتقول ستمر عليك ايام اثقل من الجبال بال ليس لتكتئب انما لتقترب سيدبرها الله لا تقلق يعني فعلا يعني الجزء اللي كنا اتكلمنا فيه عن فعلا الخشوع والقرب من ربنا وقت المحن انت لا تستشعره في الايام العديده حديث زي ما يصيب المسلم من وصب ولا نصب ولا هم ولا غم ولا حزن حتى الشوكه تشاكها الا كفر الله بها من خطاياه فالحاجات البسيطه فما بالك بقى بالسجن وهو من اعظم الابتلاءات والله يعني حاجه صعبه صعبه حاجات زي ديت واحاديث اللي بتسمع جواك دي بتصبرك ومع الوقت بتبدا تدرك ان المولى عز وجل اوجدك هنا لغايه يعني انت ماجيتش هنا كده لا يعني هذا قدر لابد ان تراه فالله اوجدك هنا لغايه فاينما كنت فازهر بقى يعني بص وسيب المكان اللي انت فيه احسن مما جيته يعني دي حاجه انا كنت كاتبها كده وراسم حتى رسمه اينما كنت فازهر واترك المكان افضل مما وجدته فحاولت ان انا ايه انكش كده كم يوم وبتاع وبالفعل الحمد لله يعني اظن ان احنا يعني سبنا اثر طيب فكل شيء يحدث حدث بسبب ولسبب واخيرا وليس اخيرا الحاجه رقم 12 ادركت ان انا لم اعد نفس الشخص تجربه زي ديت انت لا تخرج منها نفس الشخص لو في واحد قضى يوم واحد في الحجز حتى مش في السجن هو بيخرج من التجربه دي شخص مختلف ف بالمناسبه يجن كتير يعني يوم واحد كتير يعني ساظل اكرر هذه المقوله يعني فربنا ايه يهون على الجميع ممكن البعض يقول لك 50 يوم يعني مش حاجه ده في ناس محكوم عليها بسنين وبتاع ومش عارف ايه وهو عنده حق ولكن ربنا لا يكتب التجربه على احد ولكن تذكر ان يوم واحد في السجن كتير شخصيتي تغيرت انا قادر ادرك ده وقادر اشوفه بشكل حقي يعني افكار وتصورات وحاجات كتيره قوي قوي قوي حصل عليها ابديت شديد حقيقه يعني صوره الحاجات كتيره اتغيرت تقدير الحاجات كتيره تغير ادركت ان في حاجات كتيره قوي كنت فاهمها غلط يعني مثلا مثلا من الحاجات اللي بقيت مقتنع بها دلوقتي ان الاحترام يكتسب ولا يمنح يعني انا اهلي ربوني تربيه زياده حبتين شويه وفكره ان انت تحترم كل الناس وفكره ان انت تحترم الناس بافراط يعني تفرض في هذا الاحترام ولكن تكتشف ان في ناس لا تستحق اصلا الاحترام بل لابد ان الشخص يستحق هذا الاحترام ويثبت انه جدير بالاحترام والتقدير لان في ناس مش محترمه حقيقه يعني واحترامك ليهم بشكل ما بيزود من ا تقليلهم ليك وادركت حديث النبي صلى الله عليه وسلم انما الناس كالابل المئه لا تكاد تجد فيها راحله يعني الناس زي كان عندك 100 ناقه كده او 100 جمل لا تكاد تجد فيها راحله بالعافيه لو لقيت فيها ناقه مناسبه ان هي تسافر مسافات طويله فكذلك يعني انا ادركت لا معظم الناس هو عباره عن قش فراغ هواء فاضيين منفوخين على الفاضي وان اكثر الناس اهل نقص وانما اهل الفضل قله قليله جدا جدا لو اتكعبلت في واحد او اثنين او ثلاثه يعني في حياتك فده يعني كتير والحقيقه التغيرات اللي طرقت هي تغيرات يمكن اعمق واكتر من كده ولكن لا يسعنا المجال احنا طولنا قوي انا اسف ا الدروس كتير جدا ولكن مش معنى ان الواحد بيتكلم عن الحاجات اللي تعلمها من التجربه والحاجات اللي تبدو ان هي حاجات ايجابيه يعني ان التجربه كانت سهله باي شكل من الاشكال للاسف لا التجربه كانت ا اصعب ما يكون اصعب حاجه مرت عليا في حياتي ويمكن اصعب شيء في التجربه هو الالم والحزن اللي سببته ا لعله عيلتي واهلي والاصدقائي يعني يمكن انا مش مش السبب فيه بشكل غصب عني اللي حصل ده ولكن انا مصدره يعني انا منبع هذا الالم والحزن يعني ان هم اوذوا في يعني اتاذوا فيا فدي من الحاجات اللي كانت يعني بتزود الالم وال والصعوبه بتاع الموضوع حتى الان والغريب ان انا اكتشفت ان في ناس كانت مبسوطه باللي حصل لي بشكل ما يعني وده شيء عجيب يعني تدرك برض ان في ناس بتكرهك بدون سبب ناس بايظه وناس مكسوره زي بالضبط شري جهاز كده هو بايظ مكسور فخلاص يعني هتعمل له ايه انا لم اتعفى بالكامل من الموضوع وما فيش حد بيتعافى من حاجه زي ديت بسرعه الموضوع بيحتاج وقت وبيحتاج جهاد وبيحتاج صبر وبيحتاج ان ربنا برده يثبت الواحد يعني وينزل سكينته عليه وكده ويثبته يعني يدعو الانسان يدعو كتير ان هو يتخطى الامور دي وان هو يصبر ويحتسب ف الموضوع صعب صعب يعني ما يبدو من الايجابيه هو اختيار يعني وتوفيق من المولى عز وجل ان الواحد قادر يشوف الموضوع يقدره بشكل جيد يدرك ان الاقدار لابد ان تقع حتما ولا بد ولكن يعني لا في في ندوب كتير في ندوب كتير جدا جدا هتحتاج للوقت بل ان في لسه في جروح مفتوحه ان الموضوع لم ينتهي حتى الان لسه في فيول ولسه في اجراءات ولسه في حاجات فالواحد يعني عايز يقلب الصفحه ديت بشكل ما بسرعه ويكمل طريقه ولكن هي صفحه ثقيله فدعواتكم ان ربنا يعنا ان احنا يعني نقلب الصفحه ديت بشكل ما ونرجع ونستمر ونكمل على خير باذن الله يعني رغم كل ما تعلمت من هذه التجربه لو خيرت الا اخذ هذه التجربه من الاساس هختار ان انا لا اخدها رغم كل الحاجات الجميله اللي الواحد اتعلمها لكن هي فوائد جانبيه يعني بيسموها كولاترال بينفيت هي فوائد غير مقصوده اصلا فلم اكن لاتمنى ان انا اتعلم هذه الدروس بهذه الطريقه ولكن علينا ان احنا نبدا من جديد بنلغي ونمسح كل الخطط السابقه ونحاول نحط خطط جديده وناخد قرارات صعبه لكنها ضروريه ترتيبات مختلفه ونسال الله التوفيق والى هنا ينتهي هذا الفيديو الطويل انا اسف ان انا طولت عليك ولكن احزاني كوم شاركت معاك منه يعني ايه معلقه ف وصلنا لفكره القوات الواحد بقى بيقول حكم برده الحاجات الطريفه جدا ان في سويسرا الناس بتتكلم بتقول حكم رائعه رائعه ربما نشارك موضوع او موضوعات بخصوص هذه الحكم والمواقف ربما على قناه الفلوجز بحيث ان احنا ننعيشها برده فالكوت بتاع النهارده هي حاجه انا كنت كتبتها تقول هناك اشياء لا تتعلمها طواعيه ولا يستطيع احد ان يشرحها لك هي اشياء تتجرعها مراره ولا سبيل غير ذلك اللي هو في حاجات كده انت هي ما فيش طريقه هتتعلمها بيها الا بالمراره دي وبالصعوبه دي يعني من رضي فله الرضا ومن سخط فله السخط فالحمد لله على كل حال في كلمه بصراحه عجباني قوي رغم ان هي كانوا شايفينها ان هي كرينج قوي وقت تصويرها في فيلم جلاديتور لماكسماس بيقول اي و هاف ماي فينجنس ان ذس لايف ا ذا nextكست بس شكرا نلقاكم على خير السلام [موسيقى]