اهلا بحضراتكم في المحاضره دي هنتكلم عن وصف النصوص السرديه او الانواع السرديه احنا كنا اتكلمنا عن ثلاث وظائف او اهداف اساسيه للممارسه النقديه اي حد بيعمل نقد للنصوص الادبيه بيبقى في دماغه حاجه من لاثه يا الوصف يا التفسير يا الحكم فاتكلم عن وصف الشعر وخدنا مثال تطبيقي النهارده هنتكلم عن وصف السرد لما بتكلم عن السرد بتكلم عن انواع ادبيه زي القصه القصيره زي الروايه زي النوفيلا زي القصه القصيره جدا طبعا في اختلافات اساسيه بين الانواع دي لكن احنا هنلاقي ان الاسئله الاساسيه اللي جايه هي موجوده او يمكن تطبيقها على هذه الانواع مع بعضها اول سؤال بنساله هو عن صراع الدرامي في هذه القصه كلمه دراما بس نفتكر بسرعه معناها انواع مختلفه بعضها ادبي وبعضها غير ادبي التركيز على محاكاه الحياه الواقعيه وتحديدا في نقطه وجود صراع قصه من غير صراع مالهاش معنى طبعا بتكلم برضو عن قصه عن روايه عن النوفيلا الى اخره طيب الصراع له انواع كتيره والمساله دي فيها تفاصيل لكن ابرز وصف للمساله هو فكره الصراع الداخلي والصراع الخارجي داخلي يعني ايه يعني المشكله اللي طول القصه بندور على حل ليها ببساطه هي حاجه جوه نفس البطل وده بيبقى موجود في القصص الوجوديه مثلا حد بيدور على معنى الحياه حد بيدور على حقيقه الحياه والموت حد بيدور على فكره وجود اله من عدمه حد بيدور على ا عنده حيره او عدم قدره على المفاضله او التمييز بين الواجب الفردي واجبه تجاه نفسه وواجبه تجاه المجتمع وهكذا ده صراع اسمه صراع داخلي الصراع الخارجي هو النوع الابسط من الصراع اللي بنشوفه في افلام الاكشن وبنشوفه في الافلام ال اللايت كوميدي او رومانتك كوميدي الحاجات اللي هي بيبقى في مشكله مع شخص في حد انا مشكلتي في هذا الشخص فانا عاوز اقضي عليه عاوز اخليه يستجيب ارادتي الى اخره ده الصراع الداخلي والصراع الخارجي ببساطه طبعا الانواع السرديه بتحتمس مع بعض في بعض الاحيان انا لما بتكلم في الروايه مثلا انا قدام ابطال مختلفين والابطال دول كل واحد فيهم له مسار للسرد فورد ان بعض الشخ صيات تكون عندها صراعات داخليه وبعضها تكون صراعاتها خارجيه طيب ما فيش قصه او نص سردي من غير صراع هل الصراع ده بيتحل في الاخر ولا لا ده اللي بيسموه العقده هل العقده دي اللي هي وصول الصراع لذروته انه الخلاف اللي جوه البني ادم او اللي براه مع شخص اخر يوصل لمرحله لازم يتحل فيها هل المساله الماله دي بتتحل ولا النهايه بتفضل مفتوحه في بعض الاحيان بتكون القصص ما فيهاش صراع درامي بالمعنى التقليدي ا بنتكلم هنا عن البوست مودرن ازم كله بنتكلم عن ما بعد الحداثه ممكن تمسك قصه من اولها لاخرها ا وتلاقي القصه عباره عن ملاحظات و يعني ا تلميحات لحاجات معينه رصد لظواهر محيطه من غير ما تمسك بالضبط هو فين الصراع ده موجود كتير في ادم ما بعد الحداثه او البوست مودرن ازم لكن في معظم القصص اللي هنشوفها انا قدامي عقده قدامي صراع درامي والصراع ده ممكن يتحل في الاخر وممكن تفضل النهايه مفتوحه وده بتشوفوه في بعض الافلام انه بيوصل لمشهد الاخير اللي البطلين اللي ضد بعض بيواجهوا بعض والمفروض ان واحد فيهم هيموت الثاني وفجاه الفيلم بينتهي هو بيسيب لك النهايه مفتوحه لما بنتكلم عن نصوص سرديه طويله او حتى لو كان نص السردي قصير زي القصه القصيره مثلا بيحصل في بعض الاحيان ان الشخصيه بيحصل لها نمو او تطور وفي بعض الاحيان الثانيه ما بيحصل لهاش ده بتبقى ثابته وساكنه خلي بالكم ان النمو في الشخصيات اولا احنا خرجنا من مساله العقده ودخلنا شويه في مساله الشخصيه ده عنصر من عناصر اي قصه في الدنيا ا لما بنتكلم عن التطور والنمو مش قصدنا بيه تغير الاحوال الاقتصاديه والاجتماعيه يعني ايه يعني البطل كان فقير وبقى غني ده مش نمو تطور البطل كان غني وافتقر ده مش نمو تطور اترقى في الوظيفه ده مش نمو تطور النمو تطور مقصود بالتغير في الطبيعه النفسيه للشخصيات الشخصيه يكون ليها طبيعه نفسيه احوال نفسيه معينه اجواء نفسيه معينه والاقي ان هي اتغيرت ده معنى النماء والتطور وده مش بالضروره يكون من من حاجه وحشه لحاجه كويسه او العكس ممكن يمشي في الاتجاهين لكن في النهايه مالوش علاقه بالمستويات الاقتصاديه والاجتماعيه له علاقه بداخل الشخصيات في كتير من الاحيان بنسال سؤال لما يكون حد قراى روايه وبيكلمني عنها فنقول له هي الروايه دي بتتكلم عن ايه طبعا ده ينطبق على كل الاعمال الدراميه برض هو الفيلم ده بيتكلم عن ايه هي القصص القصيره دي بتتكلم عن ايه هو المسلسل التلفزيوني ده بيتكلم عن ايه وفي الغالب لما بنسال السؤال ده بيبقى قصدنا حاجتين غير بعض وخلي بالكم من النقطه دي عشان كتير بيجي عليه اسئله في الامتحان حاجه بنسميها الموضوع وحاجه بنسميها الرساله طب ايه الفرق بين الاتنين الموضوع هو القصه دي بتتكلم عن ايه بتتكلم مثلا عن العلاقات العاطفيه بين الرجل والمراه بتتكلم عن الحريات السياسيه في بلد من البلاد ده موضوعها لكن الرساله مش الكاتب بيتكلم عن ايه الكاتب عاوز يقنعك بايه تمام فلو الموضوع بتاع القصه او بتاع الروايه او بتاع الفيلم والعلاقات العاطفيه بين الرجل والمراه فالرسالة عاوز يقنعني بكذا فانت بتتكلم عن الرساله لكن لما بتتكلم عن الموضوع العام فانت بتتكلم عن مصطلح الموضوع لما بنسال اي حد في المجال بتاعنا في البدايه كده نقول له هي القصه او النص السردي بشكل عام مكون من ايه فيقول لي والله ده في في شخصيات وفي احداث لكن الحقيقه انه النص السردي سواء كان قصه او روايه او نوفيلا انا باكد على الفكره دي طول الوقت كل الانواع السرديه يعني مش بس مش بس عقده واحداث وشخصيات لا في كمان مكان وفي زمان الاحداث دي ما بتحصلش في الفراغ بتحصل في مكان معين وفي زمان معين طب هل مساله المكان والزمان دي مساله مهمه اه مهمه لانها جزء من عمليات التشكيل والصياغه اللي بيعملها الكاتب يعني الكاتب مش بيحاول يتخيل الشخصيات عامله ازاي او طبيعتها النفسيه عام عامله ازاي او بيتخيل حدوث احداث معينه ليها لا الكاتب كمان بيعمل ده في مكان هو بيصمم وبيعمل في ده في زمان هو كمان بيصمم طيب يعني ايه برده الكلام ده ببص على بعض القصص فلاقي في مكان مركزي او ما فيش يعني ايه مكان مركزي يعني الاقي ان معظم الاحداث بتحصل في مكان او في مكانين او في ثلاث اماكن بعض القصص او الروايات او النوفيلا بتحصل في عدد كبير من الاماكن متنوع جدا طيب الوصف بتاع الكاتب للمكان عامل ازاي هل بيوصفوا وصف تفصيلي ولا مقتضب يعني هل بيقول الابطال قاعدين في في مقهى مثلا ويوصف لي كل تفصيل او كل ركن في المقهى ولا بيقول مقهى وخلاص على اساس ان انا يجي في دماغي اي نوع من انواع المقاهي طبعا ده واحد من الفروق اللي الاساسيه لما بنتكلم مثلا عن الادب الواقعي الادب الواقعي تشارلز ديكنز في الادب الانجليزي نجيب محفوظ في الادب العربي فلوبير وبلزاك وايميل زولا في الادب الفرنسي مساله وصف الاماكن وصف تفصيلي مساله اساسيه عندهم طب ليه لانهم من ضمن الاهداف للكتابه الواقعيه هي تقديم تصور صادق ودقيق لطبيعه المجتمع في مرحله معينه فلما يتكلم عن مكان الاقيه بيوصف لي بشكل تفصيلي كانه بيرسمه كانه متصور قدامي في صوره فيلم طيب ايه كمان غير الوصف انا عندي كمان المكان مفتوح ولا مغلق ولا نصف مفتوح نصف مغلق طب ده يعني ايه ايه المكان المغلق هو المكان اللي اللي براه ما يشوفش اللي جواه ببساطه زي اي بنايه سكنيه زي اي شقه زي اي حجره مغلقه بباب ده اللي جواه ما بيشوفش اللي براه طب يعني ايه مكان مفتوح يعني اللي براه بيشوف اللي جواه حتى لو كان حديقه عامه مثلا ليها سور فالصور ده لا يحجب ما بيمنع اللي بره الحديقه ان هم يشوفوا اللي جواه طب ايه المكان نصف المفتوح نصف المغلق ده هو مكان بيجمع بين الصفتين هو في بعض الحدود اللي بتمنع اللي براه يعرفوا بالظبط اللي بيحصل جواه لكن الحدود دي ما هياش نهائيه في بعض الامكانيه اني اقدر اشوف اللي جوه بيعمل ايه طب ده مثاله الابرز هو ايه هو المقهى مثلا في المقهى في الغالب وانت معدي جنب اي قهوه بالبلدي كده بتقدر تشوف الناس بتقدر تستنبط القاعده دي عامله ازاي دي قعده صحاب والله ولا دي قعده ناس ما يعرفوش بعض ولا بتطلع باستنتاجات معينه لكن بتظل امكانيه الحميميه في التواصل موجوده يعني ايه يعني ممكن اللي قاعدين على القهوه دول ياخدوا بعض على جنب كده ويقولوا كلام احنا ما نسمعش او ما نعرفش ما نعرفش هم بيقولوا ايه ما نعرفش هم بيفكروا في ايه ده المقصود بنصف مفتوح نصف مغلق ا طبعا احنا متوقعين انه الروايات او الاعمال السرديه اللي بتدور كلها في اماكن مغلقه تبقى بتتكلم عن موضوعات حميميه واللي بتدور كلها في اماكن مفتوحه بتبقى بتتكلم عن موضوعات غير حميميه ساعات الكتاب بيعملوا العكس ساعات يقدم لي الموضوعات الحميميه في اماكن مفتوحه والموضوعات غير الحميميه في اماكن مغلقه بيبقى عاوز يوصل رساله معينه دي كلها موضوعات للتحليل لكن دلوقتي احنا نقدر نوصف الكاتب بيشكل المكان بتاعه ازاي وده اللي بيخلي الناس تستخدم مصطلح اسمه الفضاء المكاني ما يقول لكش ده تشكيل المكاني يقول لك الفضاء المكاني كانه كانه المقصود انه المكان ده كده ا يعني ماده خام قابله للتشكيل وهو بيملا زي ما هو عايز يعني ده جزء من التخيل بتاعه زي بيتخيل القصه والاحداث بيتخيل كمان المكان وزي ما الكاتب بيشكل المكان بيشكل الزمان او الفضاء الزمني زي ما المفروض ان احنا متعلمين دلوقتي طب اول سؤال بنساله اهم سؤال هو هل في مفارقات بين زمن القصه وزمن الخطاب يعني ايه مفارقات يعني اختلافات طب يعني ايه زمن القصه زمن القصه ده هو الزمن اللي بتحدث فيه الاحداث من اولها لنهايه يعني لما حضرتك تشوف فيلم وتيجي تحكيه لواحد صاحبك تقول له والله اول حدث حصل في الحدوته دي هو انه حصل كذا وكذا وبعديها بسنتين حصل كذا وبعديها باربع سنين حصل كذا ف كانك مثلا في الاخر تقول له والقصه دي كلها حصلت في ع سنين كانك بتقول له تدور احداث هذه القصه بين عامي كذا وعامي كذا طيب انا لو عندي قصه واحداثها دارت في 10 سنين مثلا والكاتب بتاعي عاوز يعمل الروايه دي مثلا في 300 صفحه هل هو بيقول انا عندي احداث حصلت في 10 سنين وعندي 300 صفحه هكتبهم فانا كده محتاج اني اكتب الاحداث اللي حصلت في كل سنه في 30 صفحه ما بيعملش كده ما بيعملش كده ليه لانه بيشكل زمن القصه ويعمل حاجه اسمها زمن الخطاب يعني ايه زمن الخطاب يعني الطريقه اللي بيفرد وبيوصف بيه الاحداث في علاقتها بالزمن اللي هي مش لازم تكون مطابقه لزمن القصه يعني ممكن يجي مثلا يوصف لي حاجه بتحصل في ساعه واحده في 30 40 صفحه ويجي بعد كده يكتب لي في جمله واحده كده ومر الثلاث سنوات يبقى خلى الثلاث سنين دول في سطر واحد وبعدين يجي يوصف لي حاجه بتحصل في نص ساعه وبعد كده يقفز اسبوعين وبعد كده يوصف لي حاجه بتحصل في 10 دقائق وبعد كده يتعدي خمس سنين يكتبهم في جمله هو بيشكل الزمن زي ما هو عاوز ده المقصود بزمن الايه زمن الخطاب هل في اختلافات بين زمن القصه وزمن الخطاب يعني ايه يعني هل كل حدث بيحصل في وقت معين بالمعيار الحقيقي بيتوصف او بيحكي في قد ايه من الروايه بتاعتي بقعد اوصف فيه قد ايه طبعا الاجابه بتاعه هل في اختلافات دي بنسبه 99% الاجابه بتكون اه دايما في اختلافات مش بس ان انا الحاجه اللي حصلت في سنه ممكن اقولها في سطر والحاجه اللي حصلت في الدقيقه ممكن اقولها في 20 صفحه لكن كمان في حاجه اسمها الفلاش باك والفلاش فورورد او الاستباق والاسترجاع ودي حاجه شائعه في كل القصص في القصص البوليسيه مثلا الاقي انه اول حدث يظهر لي في القصه البوليسيه هو ايه هو جريمه القتل بس بعد كده في التحقيقات يبدا الاشخاص يحكوا حاجات حصلت قبل جريمه القتل ده اسمه الفلاش باك او الارتجاع في بعض الاحيان يجي الكاتب يقول لي ايه يقول لي وبعد ثلاث سنوات سيحدث كذا كانه بيقفز كده في الزمن ويرجع للحظه اللي بيحكي فيها ده اسمه الاستباق او الفلاش فورورد دي كلها اشكال الاختلاف بين زمن القصه وزمن الخطاب السؤال المكتوب قدامنا ده متعلق بال الصياغه متعلق بلغه الروايه طبعا او لغه العمل السردي طبعا العمل السردي مش قصه وشخصيات وزمان ومكان وبس لا هو بيستخدم اللغه عشان يقدم ده كله واحنا عارفين انه مش لازم في الاعمال السرديه يكون في اخيله او صور احنا عارفين انه الاخيله او الصور او الخيال بالمعنى اللغوي موجود بس في الشعر وكان في سؤال في الامتحان عن المساله دي لكن من ضمن السمات غير الفارقه يعني السيمات اللي مش ضروري تكون موجوده في الاعمال السرديه هي مساله اللغه المتخيله دي اللغه الخياليه اللي فيها صور واخيره طيب لو القصه بتاعتي فيها استعارات وفيها تشبيهات بسال السؤال ده اللي انا سالته قبل كده في الشعر هل عندي استعاره مركزيه هل عندي صوره مركزيه بتتكرر ولا الكاتب بيعمل صور مختلفه مالهاش علاقه ببعض من ضمن الحاجات اللي الناس كانت مش منتبهه ليها في مساله التحليل السردي هي مساله الصور دي وبعد كده انتبهوا ل مساله انه لا الاعمال السرديه احيانا بيكون فيها صور والصور دي ليها دلالات ولا بد من تحليلها في كتاب اسمه الصوره في الروايه لستيف اولمان وهو مترجم الى العربيه ده لو حبيتوا حد منكم حاب يبص عليه لكن هو بيشتغل على الفكره دي الصور في الاعمال السرديه الجزئيه الاخرانيه دي يمكن تكون اصعب جزئيه في المحاضره كلها احنا عارفين انه في كاتب في شخص واقعي اسمه بقى تشارلز ديكنز اسمه نجيب محفوظ هو ده اسمه الكاتب القاص الروائي مؤلف النوفيلا ده الشخص الواقعي في عندنا حاجه تانيه اسمها الراوي والراوي مش هو الكاتب طب امال الراوي ده مين الراوي ده هو تقنيه اسلوب طريقه في الصياغه الكاتب ده بيستخدمها جوه الايه جوه الروايه او القصه او النوفيلا طب برده يعني ايه الكلام ده يعني ممكن الكاتب الواحد يستعمل اكتر من راوي اكتر من تقنيه راوي ساعات بيسموه السارد كمان الاريت يعني طيب يعني ايه برض يعني الحدث ممكن يترو او يتحكي من اكتر من منظور في المنظور الاولاني ده اللي هو الراوي العليم يعني ايه راوي عليم يعني مطلع على كل التفاصيل في العالم الخارجي وفي نفوس الشخصيات لو انا حاجه مثلا زي الفيديو اللي انا بصوره دلوقتي لو انا عاوز احكي حكايه الفيديو ده هقول والله ان في واحد دكتور في الجامعه قاعد بيسجل فيديو للطلبه والطلبه المفروض ان هم هيتبعت لهم الفيديو بس كمان انا مش عارف اللي بيحصل في العالم الخارجي بس انا كمان عارف الدكتور ده وهو بيسجل حاسس بايه وعارف الطلبه وهي بتتفرج على الفيديو ممكن تكون حاسه بايه اقدر اشوف كل حاجه في العالم الواقعي في اي مكان وفي اي زمان واقدر كمان اشوف داخل الشخصيات ده اسمه راوي ايه راوي عليم وكلمه عليم دي صيغه مبالغه في العربيه من فكره ان هو بيعرف كتير طيب ده مش مش مش الاختيار الوحيد انا عندي اختيار تاني ان الراوي يكون محدود المعرفه بحكم انه مشارك في الاحداث بوصفه احد ابطال القصه او الراوي البطل او الراوي الشخصيه ساعات بنسميه كده طب ايه الفرق لا هنا بقى انا بحكي الحدث بس زي ما شخصيه واحده شايفاه الشخصيه دي رؤيتها للاحداث عامله ايه محدوده اكيد الشخصيه دي مش بتشوف كل زمان وكل كان اكيد الشخصيه دي برض ما تقدرش تشوف اللي جوه نفس الشخصيات الثانيه ممكن تخمن الشخصيات الثانيه حاسه بايه ممكن تتامل ممكن تستنتج لكن ما بتبقاش مطلعه على اللي جوه ايه على اللي جوه الشخصيات يعني بعباره اخرى انا لو انا روائي عاوز اكتب روايه بتتكلم في موضوع معين باحداث معينه بابطال معينه ممكن اكتبها بالتقنين دول مع بعض طبعا انا عندي اكتر من الاثنين دول عندي عدد اكبر من الروايه يمكن لما تدرسه بعد كده كده ناريف او تدرسوا نارجي علم السرد هتشوفوا ده بالتفصيل الممل لكن دول مجرد نموذجين عاوز بس قبل ما انهي المحاضره افتكر كويس احنا النهارده كنا بنعمل ايه احنا النهارده كنا بنتكلم عن الوصف النوعي للنصوص السرديه يعني ايه نوعي يعني الوصف المشغول بالاجابه عن سؤال محدد ليه العمل ده ليه النص ده بنصنع باعتبار كذا زي ما خدنا قبل كده ليه النص ده يعتبر قصيده فوصف النص على اساس مكونات القصيده ليه القصه او الروايه اللي هنشتغل عليهم دول يعتبروا قصه او روايه فاشتغل على المكونات المختلفه اللي اتكلمنا عنها النهارده الصراع العقده الشخصيات الشخصيه ناميه ولا ثابته ولا متطوره المكان الزمان الراوي الى اخره يتفضل عندنا نوع تاني من الوصف اسمه الوصف الاسلوبي طب ايه الفرق في الوصف النوعي انا بشتغل على نص واحد بس ومابقاش مشغول قوي بمين اللي كتبه انا ببقى مشغول بالنص نفسه في حاله الوصف الاسلوبي بسال نفسي هو شيكسبير ده مش له اسلوب خاص بيه اه له اسلوب خاص بيه طب انا هعرف ازاي اسلوبه بمسك عمل ورا التاني ورا الثالث ورا الرابع احط اعمال كده جنب بعضها وابدا اشوف الحاجات الايه المشتركه كان الوصف الاسلوبي ده هو وصف نوعي بس على اكتر من عمل مع بعض عشان اشوف الحاجات اللي بتتكرر يعني لو انا بعمل وصف اسلوبي لروايات مجيب محفوظ هجيب زقاق المداق وخان الخليلي وبدايه ونهايه وحديث الصباح والمساء وروايات مختلفه وابدا اسال بقى هو طبيعه الصراع في الروايات عامل ازاي مع بعضها طبيعه الشخصيات عامله ازاي الزمان عامل ازاي المكان عامل ازاي الراوي عامل ازاي طيب هل بيبقى حاجه واحده اكيد بقى متنوع بس بقدر اشوف ان في حاجات معينه بتتكرر اقدر اشوف انه الكاتب ده ميال مثلا وهو بيكتب رواياته انه الاماكن بتاعته تبقى محد وموصوف وصف تفصيلي والاماكن كلها مغلقه ما بيحبش فكره المكان المفتوح فانا كده ابقى وصفت اسلوب الكاتب من خلال الوصف النوعي الاكتر من عمل له مع بعض