進軍True Wireless耳機市場三年幾嘅Technics 最近終於出咗佢哋嘅 第一隻旗艦耳機AZ80 $2280嘅售價 加埋日本品牌嘅光環 令到呢排唔少人 都會拎埋Sony XM5 嚟同佢比 不過究竟咩係日系調音 有幾吸引呢？ 今次我哋仲特登搜集埋 其他編輯部同事嘅意見 等大家可以了解多啲呢隻AZ80 喺開始之前 先多謝一直支持我哋嘅朋友 大家如果鍾意呢條片 就記得訂閱同埋畀like 喇 先嚟同大家睇下外型啦 除左我哋手上面呢隻黑色版 AZ80仲有隻銀色 佢嘅充電外殼就係一貫嘅長方型設計 金色嘅Technics Logo點綴黑色機身 用拉絲嘅金屬頂板 襯托啞面嘅塑膠外殼 開閂嘅時候個鉸位都幾紮實 攞起上手都幾實淨 打開嘅時候我哋會見到兩盞LED燈 前面嘅LED燈 顯示充電盒嘅充電狀態 上面就顯示耳機嘅充電狀態 耳機設計上 佢採用咗同心圓 嘅拉絲金屬面板 襯托啞色機身 而金屬面板亦都係控制音樂播放 同ANC嘅Touch Panel 為咗配合所有耳道大細嘅用家 AZ80跟機一共有7對唔同size嘅耳塞 耳塞方面 雖然佢就冇隔離XM5嘅特製泡綿 但係戴起上嚟就覺得佢同耳道非常貼合 做運動嘅時候都唔會覺得佢有任何鬆動 而且戴耐咗都唔會覺得哽耳 睇完外表我地再嚟睇下其他規格啦 AZ80就有IPX4嘅防水等級認證 藍芽5.3 支持SBC、AAC、LDAC 續航力方面 官方就話用AAC唔開降噪嘅時候 最多可以去到7個半鐘 開埋降噪就可以用到7個鐘 用LDAC嘅時候 唔用降噪嘅話可以用到5個鐘 開埋降噪就可以用到4.5鐘 而且今年嘅 AZ80 同 AZ60M2 都支援無線充電㗎 喺度分享返佢嘅基本規格表 同埋附上XM5 同 AirPods Pro 2 畀大家參考 坊間都有唔少人拎Sony XM5同AZ80做比較 事關呢兩隻耳機推出嘅時間同價錢都差唔多 仲要都係日本牌子 而且都有幾多人讚AZ80嘅人聲表現比較突出 咁不如我地一齊聽下AZ80嘅音色係點啦 以下落嚟我分別會喺Tidal串流平台上面 用 S23 Ultra 同 iPhone 14 連接 AZ80、XM5 同 AirPods Pro2 去聽 LDAC 格式嘅音樂串流 而 AirPods Pro2 就會用 iPhone 嘅 AAC 格式播放 第一隻主要聽中島美嘉 聲線嘅穿透力同空靈感 第二隻係柴崎幸 果種sweet嘅女聲 同埋唔同樂器嘅separation 第三隻就係福山雅治 果種 raw 啲嘅男聲配鋼琴 第四隻我哋就揀返隻 低頻音色比較多嘅Rock Band 睇下佢表現係點啦 試聽完之後啦 AZ80畀我嘅第一印象非常深刻 喺聽一啲日文抒情歌嘅時候 好明顯聽得出佢嘅人聲解析度非常之高 中高頻柔和得嚟又原汁原味 比我嘅感覺甚至好似有歌手 喺我後面唱緊歌咁 而喺聽一啲高亢啲嘅rock嘅時候 AZ80人聲近嘅特色 就令到首歌更加有層次感 而同AirPods Pro 2比較嘅時候 相對會聽得出 高音會有樽頸位 冇AZ80咁有穿透力 而雖然XM5喺人聲還原度上 表現都唔錯 但係高頻嘅穿透力上 都係AZ80更勝一籌 我自己就覺得 XM5喺處理低頻音色嘅時候 力度充足但係就稍微過強 有少少鼓聲淹沒咗人聲嘅感覺 我地今次再搜集埋其他編輯對AZ80有咩評價 唔知大家最近聽開咩歌呢 喺寫呢隻稿嘅時候 我就問埋Ariel同兩個編輯嘅意見 Ariel佢最近就聽開日本R&B男歌手 藤井風嘅歌 喺AZ80同XM5之間 佢就話會揀AZ80 因為AZ80喺人聲嘅還原上 好有特色 中高頻嘅包圍感令佢好深刻 編輯I最近就聽開New Jeans 佢就同Ariel差唔多 都係好欣賞AZ80喺人聲上嘅表達 但係佢就會揀XM5 因為覺得XM5嘅bass會岀啲 最後我地有林家謙忠粉編輯K 佢就會揀AZ80 都係鍾意佢對於人聲嘅刻劃 不過音色偏好呢方面就真係因人而異 最緊要就係親自去門巿試清楚 睇下啱唔啱自己心水 想再聽真啲嘅話 可以襟右上角或者description box條link 果度放咗個長啲嘅 試聽版本比大家參考 講完音質 我哋就實測下佢其他嘅功能 首先係 multipoint connectivity 官方聲稱AZ80係業界首隻 可以同時連接三部device嘅真無線耳機 我哋就試下用佢連接iPhone 14 S23 Ultra 同 MacBook 睇下AZ80喺用盡multipoint connectivity嘅時候 表現如何 我哋喺反覆測試之後 都覺得AZ80嘅三點連接幾順暢 雖然喺多個裝置 持續反覆切換嘅時候 間唔中會有一至兩秒嘅猶豫 但係喺日常普通操作上嘅話其實係ok嘅 跟住我哋再同大家試埋AZ80嘅通話效果 睇下佢同XM5同AirPods Pro2有咩差別 Testing你呢家聽緊嘅係Technics EAH AZ80嘅通話效果 大家又覺得點呢 Testing你呢家聽緊嘅係WF1000XM5嘅通話效果 大家又覺得點呢 Testing你呢家聽緊嘅係AirPods Pro 2嘅通話效果 大家又覺得點呢 跟住落嚟再睇埋佢哋嘅降噪表現 試完三款耳機之後 我就覺得喺通話效果方面 AZ80嘅通話質素就相對平庸啦 雖然就話 都有過濾到大部分嘅環境雜音 但係比起XM5同AirPods Pro 2嘅表現 AZ80嘅sample聽起上嚟 仲係會走漏咗啲環境噪音 同埋啲突如其來嘅汽車響咹聲 反而喺降噪方面AZ80就做得幾好 過濾到大部分嘅環境噪音之餘 又唔會有明顯嘅耳壓感 表現就同AirPods Pro2差唔多 試用咗AZ80咁耐啦 佢畀我嘅印象係人聲表現非常出色之餘 高中低三頻均衡得嚟 層次都好分明 除咗靚聲之外 AZ80嘅造功都好紮實 黑金襯色都略帶vintage嘅感覺 配戴感亦都非常舒服 如果要話AZ80有咩不足 我就會覺得佢嘅Touch Control邏輯有啲雜亂 例如接電話就係㩒一下耳機 但係cut線就係㩒一下再長㩒兩秒 一開始用都唔係好習慣 而亦都因為AZ80好貼合耳道 喺觸控嘅時候 間中都會感覺到壓力直接傳入耳道 稍微會有啲唔舒服 最後就係喺低頻方面 AZ80未必滿足到一啲好追求震撼力嘅朋友